کیا ضروری ہے کچھ کہا جائے
یہ ہی بہتر ہے چُپ رہا جائے
پُوری ہو جائے ہر کمی گویا
تُو اگر زندگی میں آ جائے
کوئی آیا نظر تیرے جیسا
اک نیا خواب پِھر بُنا جائے
کیا اندھیروں کا اہتمام جہاں
روشنی روشنی کو کھا جائے
ہم سے جو ہو سکا کیا ہم نے
تم بتاؤ کہ کیا کیا جائے
بند ہونے لگے ہیں سب رستے
اک نیا راستہ چُنا جائے
فیصلہ کر لیا دِوانے نے
اَب ترے شہر سے چلا جائے
زندگی سے بُری نہیں ارشد
کِس لئے موت سے ڈرا جائے
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment