درد آنکھوں میں چُھپا کر رکھئیے
اک تبسّم سا سجا کر رکھئیے
آج کہہ دیجئے دل کی باتیں
اِس تکلّف کو اُٹھا کر رکھئیے
پیار آ جاۓ اُسے بھی شاید
آپ اُمیّد لگا کر رکھئیے
ساری باتیں نہیں کہتے دل کی
چند باتوں کو چُھپا کر رکھئیے
دوستی کر کے یہ سیکھا ہے سبق
دٗشمنوں سے بھی بنا کر رکھئیے
بُھول جاۓ نہ مسافر رستہ
دیپ چوکھٹ پہ جلا کر رکھئیے
عشق نہ آگ لگا دے ارشد
دامنِ دل کو بچا کر رکھئیے
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment