حُسن سے عشق کا اظہار ذرا کم کیجے
سامنے سب کے اُسے پیار ذرا کم کیجے
اُس کو پہچان نہ لے کوئی غزل کو سُن کر
اس کی تعریفوں کے اشعار ذرا کم کیجے
حُسن کی ہوتی ہیں مجبوریاں سمجھیں صاحب
اس قدر وصل پہ اِصرار ذرا کم کیجے
آپ کی باتوں میں یُوں بھی ہے حِلاوت زیادہ
چاۓ میں چینی کی مقدار ذرا کم کیجے
میں گنہگار ہوں پر آپ بھی معصوم نہیں
اپنی تقدیس کا پرچار ذرا کم کیجے
مل ہی جائے گا اگر آپ کی تقدیر میں ہے
کاتبِ بخت سے تکرار ذرا کم کیجے
زندگی بیت گئی جیسی بھی بیتی ارشد
عُمر کی تیز ہے رفتار، ذرا کم کیجے
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment