حسیں ہو اتنی مگر کچھ اُداس لگتی ہو
بنفشی جوڑے میں تصویرِ یاس لگتی ہو
نئی نئی ہو ابھی شہرِ دل کی گلیوں میں
یہاں کے رستوں سے کُچھ ناشناس لگتی ہو
ٹریجَڈی کوئی ہوَمر کی گُمشدہ جیسے
اسی کہانی کا اک اقتباس لگتی ہو
کسی جگہ رہو بھوپال یا کراچی میں
تُم اِتنی دور ہو پر میرے پاس لگتی ہو
تمہارے عِشق میں مجنون ہو گیا ارشد
کبھی یقیں تو کہیں تم قیاس لگتی ہو
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment