Khuwaab Tha Ya Khayal Tha Kia Tha

مصحفی کی زمین میں
"خواب تھا یا خیال تھا کیا تھا"
ذہن میں اک سوال تھا کیا تھا
میں کسی کا خیال تھا کیا تھا
مجھ میں پوشیدہ عکسِ ہے تیرا
 میں ہی تیرا جمال تھا کیا تھا
مست اب تک ہے پِیر سہون کا
عشق کا وہ دھمال تھا کیا تھا
پیار مشکل بنا  لیا تُم نے
 بھول جانا محال تھا کیا تھا
سب مجھے چھوڑتے گئے ارشد
عُمر کا یہ زوال تھا کیا تھا
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania