کہیں تو ملتا کوئی تو سُراغ دے جاتا
دِکھا دے رستہ ترا وہ چراغ دے جاتا
بَھرا نہ آج تلک میری روح کا گھاؤ
یہی بہت تھا محبّت کا داغ دے جاتا
نہ تنہا دشت محبت میں ڈھونڈتا جگنو
اگر وہ آس کا بس اِک چراغ دے جاتا
کسی بہانے سہی لوٹ کر تو آتا وہ
اِک اور ہجر نیا ایک داغ دے جاتا
سنورتا شعر مرا لفظ لفظ یوں ارشد
صداۓ درد کو حُسنِ بلاغ دے جاتا
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment