پکڑوں تمہارا ہاتھ کہیں دُور لے چلوں
تُم کو اگر ہے ساتھ یہ منظُور لے چلوں
خواہش ہے اپنے ہاتھوں سے دُلہن بناؤں میں
بَھر کر تمہاری مانگ میں سندُور لے چلوں
اندازہ ہی نہیں اُسے طاقت کا عشق کی
ہو جاۓ دل کے ہاتھوں یوں مجبُور لے چلوں
اُس کی رضا ہے پاس میرے کُچھ نہیں رہے
دو آنکھیں اپنے ساتھ یہ بے نُور لے چلوں
ارشد مُجھے وہ پیار سے دَر پر بُلائیں تو
جو کُچھ بھی میرے پاس ہو مقدُور لے چلوں
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment