خوف تو شاہ کے شایان نہیں ہو سکتا
بیعتِ کُفر کا امکان نہیں ہو سکتا
نوع انسانی پہ جو آل محمد نے کیا
اس سے بڑھ کر کوئی احسان نہیں ہو سکتا
آنکھ نم جس کی نہ ہو آل نبی کے غم میں
کچھ بھی ہو سکتا ہے انسان نہیں ہو سکتا
گر تیرے دل میں نہیں آل نبی کی اُلفت
پھر مکمّل تیرا.ایمان نہیں ہو سکتا
کی ہے شبیر نے نیزہ پہ تلاوت ارشد
اب کوئی صاحب قُرآن نہیں ہو سکتا
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment