کسی کو بھولنا پِھر اس کو یاد کر لینا
ذرا سی دیر سہی دِل کو شاد کر لینا
دھڑکنا آیا تجھے نہ ہی بُھولنا اے دل
کوئی تو کام صحیح نا مُراد کر لینا
تمہارے پیار کی ملتی رہے خبر مجھ کو
کبھی کبھی مجھے بُھولے سے یاد کر لینا
گو میری ذات پہ اِتنا یقین نہیں تم کو
جو میرے جیسا ملے اعتماد کر لینا
سنبھل کے مِلنا ریاکار تو نہیں زاہد
غلط ہے پَرکھے بِنا اعتقاد کر لینا
غُرور حسن کا جائز ہے توڑنا ارشد
ُضروری ہو تو کبھی اِجتہاد کر لینا
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment