سجتے ہی رہے بزم میں آنے میں دیر کی
کیوں آپ نے یہ جلوے دِکھانے میں دیر کی
زاہد شرع پرست نہ سمجھا یہ رازِ حُسن
کیوں آئینے میں خود کو سجانے میں دیر کی
وہ بھی نہ میرے پیار کو چہرے سے پڑھ سکا
میں نے بھی دِل کی بات بتانے میں دیر کی
شاید حیا تھی یا وہ تغافل کی اک ادا
اُس شوخ نے نگاہیں مِلانے میں دیر کی
آیا وہ لطف شیشۂ دِل ٹوُٹنے میں دوست
میں نے بھی کِرچیوں کو اُٹھانے میں دیر کی
مرنے کے بعد کوئی بھی رکھتا نہیں ہے یاد
اے دوست ہے یہ رسم زمانے میں دیر کی
بے بات کوئی چھوڑ گیا عُمر بھر کا ساتھ
ارشد کسی کو ہم نے مَنانے میں دیر کی
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment