Kyun tere sath rahen umr basar hone tak Hum na dekhen ge imarat ko khhanadar hone tak

کیوں ترے ساتھ رہیں عُمر بسر ہونے تک
ہم نہ دیکھیں گے عمارت کو کھنڈر ہونے تک

تُم تو دروازہ کُھلا دیکھ کے در آئے ہو
تُم نے دیکھا نہیں دیوار کو در ہونے تک

چُپ رہیں، آہ بھریں، چیخ اُٹھیں یا مر جائیں
کیا کریں بے خَبَرو تُم کو خبر ہونے تک

ہم پہ کر دھیان ارے چاند کو تکنے والے
چاند کے پاس تو مُہلت ہے سحر ہونے تک

حال مت پوچھیے، کچھ باتیں بتانے کی نہیں
بس دُعا کیجیے دُعاؤں میں اثر ہونے تک

سگِ آوارہ کی مانند محبت کے فقیر
در بدر ہوتے رہے شہر بدر ہونے تک

آپ مالی ہیں، نہ سُورج ہیں، نہ موسم پھر بھی
بیج کو دیکھتے رہئیے گا ثمر ہونے تک

دشتِ خاموش میں دم سادھے پڑا رہتا ہے
پاؤں کا پہلا نشاں راہگذر ہونے تک

فانی ہونے سے نہ گھبرائیے فارس کہ ہمیں
ان گنت مرتبہ مرنا ہے امر ہونے تک
رحمان فارس

Kyun tere sath rahen umr basar hone tak
Hum na dekhen ge imarat ko khhanadar hone tak

Tum to darwaza khhula dekh ke dar aye ho
Tum ne dekha nahi deevar ko dar hone tak

Chup rahen, aah bharen, cheekh uthen ya mar jayen
Kia karen be khabaro tum ko khabar hone tak

Hum pe kar dhiyan aray chaand ko takne wale
Chaand ke paas to muhlat hai sehr hone tak

Haal mat poochhiye, kuch baten batane ki nahi
Bas dua kijiye duaon mein asar hone tak

Sag e awara ki manind muhabbat ke faqeer
Dar ba dar hote rahe shehr badar hone tak

Ap maali hain, na sooraj hain, na mausam phir bhi
Beej ko dekhte rahiye ga samar hone tak

Dasht e khamosh mein dam sadhe pada rehta hai
Pa’on ka pehla nishan raahguzar hone tak

Fani hone se na ghhabraiye Faris ke humen
An ginat martaba maren hai amar hone tak
Rahman Faris