سُن کے تیرا نام اُٹھا دل میں شورِ اِضْطِراب
تجھ سے یعنی اب بھی دل کو واسطہ کوئی تو ہے
Sun ke tera naam utha dil mein shor e iztirab
Tujh se yani ab bhi dil ko wasta koi to hai
خط سے کچھ گالی سنا کر نامہ بر طنزاً کہے
فتنہ گر کی اس محبت کی وجہ کوئی تو ہے
Khat se kuch gaali suna kar nama bar tanzan kahe
Fitna gar ki is muhabbat ki wajah koi to hai
لیں رخِ جاں پر لٹک کر بوسۂِ رخسار و لب
زلفِ پرخم سے ہمیں بھی مسئلہ کوئی تو ہے
Len rukh e jan par latak kar bosa e rukhsar o lab
Zulf e pur kham se humen bhi masala koi to hai
سَر بہ سَجْدہ سُوئے بت یوں ہی نہیں ہوتے ہیں ہم
اِن بُتوں میں شیخ جی جلوہ نُما کوئی تو ہے
Sar ba sajdah su e but youn hi nahi hote hain hum
Un buton mein Sheikh ji jalwa numa koi to hai
سُن کے اُس شِیرِیں دَہَن سے نام اپنا بارہا
قلبِ مُضطَر آج مَچلے ماجرا کوئی تو ہے
Sun ke us sheereen dehn se naam apna barha
Qalb e muztir aj machle majra koi to hai
بھول کر بھی تم کبھی کرتے نہیں زائلؔ کو یاد
زِیسْت میں یعنی تمہاری دُوسْرا کوئی تو ہے
Bhool kar bhi tum kabhi karte nahi Zaail ko yad
Zeest mein yani tumhari dosra koi to hai
زائلؔ جتوئی
Zaail Jatoi
No comments:
Post a Comment