Ab Haqeeqat Lag Raha Hai Mera Afsana Mujhe Sari Dunya Keh Rahi Hai Tera Deewana Mujhe
اب حقیقت لگ رہا ہے میرا افسانہ مجھے
ساری دنیا کہہ رہی ہے تیرا دیوانہ مجھے
Ab Haqeeqat Lag Raha Hai Mera Afsana Mujhe
Sari Dunya Keh Rahi Hai Tera Deewana Mujhe
میں اٹھا تو کون ہونٹوں سے لگائے گا انہیں
مدتوں ڈھونڈا کریں گے جام و پیمانہ مجھے
یہ محبت کا اثر ہے یا مرا دیوانہ پن
صحن گلشن سا نظر آتا ہے ویرانہ مجھے
اے اداسی، کون سی منزل پہ لے آئی ہے تو
اپنا چہرہ بھی نظر آتا ہے بیگانہ مجھے
ٹوٹے پیمانے شکستہ جام اور تنہائیاں
اپنے گھر جیسا ہی اب لگتا ہے میخانہ مجھے
جیتے جی ارمان یہ ساحلؔ نہ پورا ہو سکا
مر کے شاید ہی میسر ہو ترا شانہ مجھے
محمد علی ساحلؔ
Muhammad Ali Sahil
Comments
Post a Comment