HIJAR

دشتِ ہجراں میں نہ سایہ، نہ صدا تیرے بعد کتنے تنہا ہیں تیرے آبلہ پا تیرے بعد Dasht e Hijran Mein Na Saya , Na Sada Tere Bad Kitne Tanha Hein Tere Aabla Paa Tere Bad لب پہ اک حرفِ طلب تھا، نہ رہا تیرے بعد دل میں تاثیر کی خواہش نہ دعا تیرے بعد عکس و آئینہ میں اب ربط ہو کیا تیرے بعد ہم تو پھرتے ہیں خود اپنے سے خفا تیرے بعد درد سینے میں ہوا نوحہ سرا تیرے بعد دل کی دھڑکن ہے کہ ماتم کی صدا تیرے بعد اک قیامت کی خراشیں میرے چہرے پہ سجیں اک محشر میرے اندر سے اُٹھا تیرے بعد تُو کہ سمٹا تو رگِ جاں کی حدوں میں سمٹا میں کہ بکھرا تو سمیٹا نہ گیا تیرے بعد ملنے والے کئی مفہوم پہن کر آئے کوئی چہرہ بھی نہ آنکھوں نے پڑھا تیرے بعد میری دکھتی ہوئی آنکھوں سے گواہی لینا میں نے سوچا تجھے اپنے سے سوا تیرے بعد  

کوئی دلجوئی نہیں کوئی پذیرائی نہیں زخم کا زخم مداوا ہے، مسیحائی نہیں Koi Diljoyi Nahi Koi Pazeerai Nahi Zakham Ka Zakham Madawa Hai , Maseehai Nahi

اس محبت میں ترا شرک گوارا کر کے آزما لوں میں تجھے اپنا خسارہ کر کے Is Muhabbat Mein Tera Shirk Gawara Kar Ke Aazma Lon Main Tujhe Apna Khasara Kar Ke تیرے کہنے پہ محبت تو میں کر لوں لیکن غم پُرانے ہی نہ مل جائیں دوبارہ کر کے ساتھ رہتے تو نہیں آتا غزل میں یہ رنگ "تم نے اچھا ہی کیا مجھ سے کنارہ کر کے" جانے کس بات نے دونوں کو جدا کر ڈالا وہ بہت خوش تھا مرے ساتھ گزارا کر کے تم نے جاتے ہوئے تکلیف نہیں دی تو بتاؤ کیوں میں رویا ہوں ابھی ذکر تمہارا کر کے اب کوئی درد کا درماں نہیں ہوتا میرے لوٹ جاتے ہیں سبھی لوگ نظارہ کر کے ہم جسے چاہتے ہیں جان سے پیارا کرنا مار دیتا ہے وہی جان سے پیارا کر کے پاؤں پڑنے پہ بھی میرے نہ رکے تم بسمل روک لیتا تھا میں دنیا کو اشارہ کر کے بسمل ہاشمی Bismil Hashmi

قصۂ غم ہے، کہیں اور سنانے کا نہیں ہم کو درکار ہے دیوار جو خاموش رہے Qissa e Gham Hai , Kahein Aur Sunany Ka Nahi Hum Ko Darkar Hai Deewar Jo Khamosh Rahe شعیب بخاری Shoib Bukhary

   خیرات میں آئے ہوئے کاسے میں نہ آئے کیا دُکھ تھے جو اِک عمر کے گریئے میں نہ آۓ Khairat Mein Aaye Hoe Kasay Mein Na Aaye Kia Dukh Thay Jo Ik Umar Ke Garye Mein Na Aaye میں دشت کو جاتے ہوۓ رستے کا شجر ہوں کوئی بھی مسافر مرے سائے میں نہ آئے اللہ کرے تجھ پہ نہ کُھل پائے یہ دنیا یہ رنجِ اذیت ترے حصے میں نہ آئے دیواریں ترستی رہیں آبائی گھروں کی پردیس گئے لعل پلٹنے میں نہ آئے یہ کیسی مسافت ہے جو کٹتی ہی نہیں ہے ہم کیسے علاقے ہیں جو نقشے میں نہ آئے کل شہر میں سنگسار کیا جائے گا مجھ کو جو دیکھ نہ سکتا ہو، تماشے میں نہ آئے اب اور کسی زخم کی خواہش نہ جگہ ہے دشمن ہے تو پھر دوست کے حلیے میں نہ آئے تھک ہار کے دے آیا ہوں میں آنکھیں کسی کو اب چاند سے کہہ دو کہ دریچے میں نہ آئے اُس تک مرے مرنے کی خبر دیر سے پُہنچے وہ شہر میں ہو کر بھی جنازے میں نہ آئے رِستا ہے لہو آج بھی اُن زخموں سے میثم وہ زخم جو اب تک کسی مصرعے میں نہ آئے میثم علی آغا Meesam Ali Aagha  

میں تو جینا ہی بھول بیٹھا تھا شکریہ زندگی میں آنے کا Main Tou Jeena Hi Bhool Baitha Tha Shukria Zindagi Mein Aanay Ka خالد ندیم شانی Khalid Nadeem Shani

چاہتوں کی بستی میں اک نیا سویرا ہو دور تک خلاؤں میں یہ جہان میرا ہو Chahaton Ki Basty Mein Ik Naya Sawera Ho Door Tak Khalaoun Mein Yeh Jahan Mera Ho ہو تھکن نگاہوں میں، گرد ہو ہتھیلی پر رات جس جگہ اترے، رین کابسیرا ہو دھوپ روپ بکھراۓ میرے کچے آنگن میں کھڑکیوں سے یہ منظر رنگ میں سنہرا ہو چاند کی محبت میں چاندنی کی سرشاری چاندنی کے پرتو میں عکس چاند چہرہ ہو پھر سفر کی خواہش ہے، روح میں تمازت ہے دیکھیے کہاں اب کے زندگی کا ڈیرہ ہو جس جگہ تری فطرت خود سے ہی مقابل ہے اس جگہ تیری ہستی ذات کا کٹہرہ ہو کس طرح سے مہکیں گے اس جگہ کنول دل کے جس جگہ امنگوں پر حسرتوں پر کا پہرہ ہو کوئی رنگ آنچل پر اب نکھر نہیں سکتا شام کی اداسی کا رنگِ سوز گہرا ہو شائستہ مفتی Shaista Mufty