Ab to ghabra ke yeh kehte hain ke mar jaayenge Mar ke bhi chain na paaya to kidhar jaayenge

اب تو گھبرا کے یہ کہتے ہیں کہ مر جائیں گے
 مر کے بھی چین نہ پایا تو کدھر جائیں گے
Ab to ghabra ke yeh kehte hain ke mar jaayenge
Mar ke bhi chain na paaya to kidhar jaayenge

تم نے ٹھہرائی اگر غیر کے گھر جانے کی
تو ارادے یہاں کچھ اور ٹھہر جائیں گے
Tum ne thahraayi agar ghair ke ghar jaane ki
To iraade yahan kuch aur thahar jaayenge

خالی اے چارہ گرو ہوں گے بہت مرہم داں  
پر مرے زخم نہیں ایسے کہ بھر جائیں گے
Khaali ae chaarah garu hongay bohat marham daan
Par mere zakhm nahin aise ke bhar jaayenge

پہنچیں گے رہ گزر یار تلک کیوں کر ہم   
پہلے جب تک نہ دو عالم سے گزر جائیں گے
Pahunchen ge raah guzar yaar talak kyon kar hum
Pehle jab tak na do aalam se guzar jaayenge
 
شعلۂ آہ کو بجلی کی طرح چمکاؤں   
پر مجھے ڈر ہے کہ وہ دیکھ کے ڈر جائیں گے
Sho’la-e aah ko bijli ki tarah chamkaun
Par mujhe dar hai ke woh dekh ke dar jaayenge
 
ہم نہیں وہ جو کریں خون کا دعویٰ تجھ پر
بلکہ پوچھے گا خدا بھی تو مکر جائیں گے
Hum nahin woh jo karen khoon ka da’wa tujh par
Balkeh poochhe ga Khuda bhi to makar jaayenge

آگ دوزخ کی بھی ہو جائے گی پانی پانی
جب یہ عاصی عرق شرم سے تر جائیں گے
Aag dozakh ki bhi ho jaayegi paani paani
Jab yeh aasi araq-e sharm se tar jaayenge

نہیں پائے گا نشاں کوئی ہمارا ہرگز
ہم جہاں سے روش تیر نظر جائیں گے
 Nahin paayega nishaan koi hamaara hargiz
Hum jahan se rau’nish-e teer-e nazar jaayenge

سامنے چشم گہر بار کے کہہ دو دریا  
 چڑھ کے گر آئے تو نظروں سے اتر جائیں گے
Saamne chashm-e gohar baar ke keh do darya
Chadh ke gir aaye to nazron se utar jaayenge

 لائے جو مست ہیں تربت پہ گلابی آنکھیں
 اور اگر کچھ نہیں دو پھول تو دھر جائیں گے
Laaye jo must hain turbat pe gulaabi aankhen
Aur agar kuch nahin do phool to dhar jaayenge

 رخ روشن سے نقاب اپنے الٹ دیکھو تم
 مہر و مہ نظروں سے یاروں کی اتر جائیں گے
Rukh-e roshan se niqaab apne ult dekho tum
Mehr-o-mah nazron se yaaron ki utar jaayenge

 ہم بھی دیکھیں گے کوئی اہل نظر ہے کہ نہیں
 یاں سے جب ہم روش تیر نظر جائیں گے
Hum bhi dekhenge koi ahl-e nazar hai ke nahin
Yaan se jab hum rau’nish-e teer-e nazar jaayenge

 ذوقؔ جو مدرسے کے بگڑے ہوئے ہیں ملا
 ان کو مے خانے میں لے آؤ سنور جائیں گے
Zauq jo madarse ke bigde hue hain mulla
Unko maikhane mein le aao sanwar jaayenge