Agar Woh Khuwab Mein Aaein Toh Khuwab Ho Jaein Kisi Tarah Se Toh Woh Hum-Rakab Ho Jaein

اگر وہ خواب میں آئیں تو خواب ہو جائیں
کسی طرح سے تو وہ ہم رکاب ہو جائیں
Agar Woh Khuwab Mein Aaein Toh Khuwab Ho Jaein
Kisi Tarah Se Toh Woh Hum-Rakab Ho Jaein
سُنا ہے اُن کو بھی اب درگزر کی عادت ہے
اسی بہانے چلو ہم خراب ہو جائیں
سُنا ہے رکھتے نہیں کوئی بھی حساب وہ اب
بُرا نہ مانیں تو ہم بے حساب ہو جائیں
سُنا ہے اُن کو لُبھاتیں ہیں خوشبویں شب بھر
وہ پاس آئیں تو کِھل کے گلاب ہو جائیں
سُنا ہے سونا اُگلتی جہاں ہوں وہ مٹی
چلو گِراں کریں خود کو تراب ہو جائیں
سُنا ہے نظریں جھکا کے وہ بات کرتے ہیں
جو بات سچ ہے تو پھر بے حجاب ہو جائیں
سُنا ہے وہ بھی برستے ہیں ابر کے ہمدم
جو برسے خوب گرج کر وہ آب ہو جائیں
کوئی کلام نہیں، ہیں وہ بے مثال رضا
سوال کیسا بھی ہو وہ جواب ہو جائیں
سید محتشم رضا
Sayed Muhtashim Raza