Aks Tera Meri Aankhon Mein Thehar Jata Hai Khali Kamra Tere Aane Se Sanwar Jata Hai
عکس تیرا مری آنکھوں میں ٹھہر جاتا ہے
خالی کمرہ ترے آنے سے سنور جاتا ہے
Aks Tera Meri Aankhon Mein Thehar Jata Hai
Khali Kamra Tere Aane Se Sanwar Jata Hai
یوں ہی خاموش سہی جاتیں ہیں ماتیں اکثر
دل میں طوفان جو اٹھتا ہے، اُتر جاتا ہے
جانتا ہے دلِ نادان مگر جانے کیوں
ڈھونڈنے اُن کی گلی بارِ دگر جاتا ہے
تیرے احساس کے پرتو میں گزرتی شب ہے
خواب جو آئے تو پلکوں پہ بکھر جاتا ہے
ڈھل گئی رات، شمعدانوں میں گل راکھ ہوئی
ایک پروانہ بھی تھک ہار کے گھر جاتا ہے
شائستہ مفتی
Shaista Mufty
Comments
Post a Comment