Apnon ke sitam un ki wafa yaad karenge Hum jurm e mohabbat ki saza yaad karenge
اپنوں کے ستم ان کی وفا یاد کریں گے
ہم جرمِ محبت کی سزا یاد کریں گے
Apnon ke sitam un ki wafa yaad karenge
Hum jurm e mohabbat ki saza yaad karenge
تُو آ گئی، آنا تھا جنہیں، وہ نہیں آئے
ہم بھی تجھے کیا کیا نہ صبا یاد کریں گے
Tu aa gayi, aana tha jinhein, woh nahi aaye
Hum bhi tujhe kya kya na saba yaad karenge
تُم ہم سے بچھڑتے ہو مگر بھول نہ جانا
یہ سُن کے رکے اور کہا یاد کریں گے
Tum hum se bichhadte ho magar bhool na jana
Yeh sun ke ruke aur kaha yaad karenge
اب حرفِ تسلی کا تکلف نہ کریں وہ
جو دِل سے بھلا بیٹھے وہ کیا یاد کریں گے
Ab harf e tasalli ka takalluf na karen woh
Jo dil se bhula baithe woh kya yaad karenge
ہم بُھول کے اب نام بھی نہ لیں گے وفا کا
وہ چوٹ لگی ہے کہ سدا یاد کریں گے
Hum bhool ke ab naam bhi na lenge wafa ka
Woh chot lagi hai ke sada yaad karenge
ہم چشمِ تصور میں سجا لیں گے وہ آنکھیں
یوں پینے پلانے کا مزہ یاد کریں گے
Hum chashm e tasawwur mein saja lenge woh aankhein
Yun peene pilane ka maza yaad karenge
یاروں پہ نصیرؔ آپ دِل و جاں سے فِدا تھے
وہ پھر گئے سب، آپ بھی کیا یاد کریں گے
Yaron pe Naseer aap dil o jaan se fida thay
Woh phir gaye sab, aap bhi kya yaad karenge
پیر سید نصیر الدین نصیرؒ
Peer Syed Naseer uddin Naseer
Comments
Post a Comment