Awargi ke naqsh ubher kar bikhhar gaye Wo shab guzaar loag najane kidhar gaye

آوارگی کے نقش ابھر کر بکھر گئے
وہ شب گزار لوگ نجانے کدھر گئے
Awargi ke naqsh ubher kar bikhhar gaye
Wo shab guzaar loag najane kidhar gaye

تجدید دوستی کے سبب یہ ہوا ضرور
کچھ زخم تازہ ہو گئے، کچھ زخم بھر گئے
Tajdeed e dosti ke sabab ye hua zarur
Kuch zakhm taza ho gaye, kuch zakhm bhar gaye

آئے تو ہاتھوں ہاتھ لیا اور دم وداع
کاندھوں پہ سب اٹھائے ہمیں چھوڑ کر گئے
Aye to hathon hath lia aur dam e wida
Kaandhon pe sab uthaye humen chhor kar gaye

وہ دن بھی تھے کہ مد مقابل نہ تھا کوئی
یہ دن بھی ہے کہ آئینہ دیکھا تو ڈر گئے
Wo din bhi thay ke mad e muqabil na tha koi
Ye din bhi hai ke aiyna dekha to dar gaye

ہمدرد، غمگسار، مزاج آشنا رفیق
کچھ لوگ آس پاس تھے، جانے کدھر گئے
Humdard, ghamgusar, mizaj ashna, rafeeq
Kuch loag aas paas thay, jane kidhar gaye

سربستہ راز ہی رہی ہم پر ہماری ذات
ہم بے خبر ہی آئے تھے اور بے خبر گئے
Sarbasta raz hi rahi hum par hamari zat
Hum be khabar hi aye thay aur be khabar gaye

گمنام کر نہ پائے تو بدنام کر دیا
احباب میرے حق میں بڑا کام کر گئے
Gumnam kar na paae to badnam kar dia
Ehbab mere haq mein bara kaam kar gaye

خالدؔ جو کہہ رہے تھے کہ ہے عمر بھر کا ساتھ
افسوس میرا ساتھ وہی چھوڑ کر گئے
Khalid jo keh rahe thay ke hai umr bhar ka sath
Afsos mera sath wohi chhor kar gaye

عبداللہ خالدؔ
Abdullah Khalid