Bahar Aai Hai Mastana Ghata Kuch Aur Kehti Hai Magar In Shokh Nazron Ki Haya Kuch Aur Kehti Hai

بہار آئی ہے مستانہ گھٹا کچھ اور کہتی ہے
مگر ان شوخ نظروں کی حیا کچھ اور کہتی ہے
Bahar Aai Hai Mastana Ghata Kuch Aur Kehti Hai
Magar In Shokh Nazron Ki Haya Kuch Aur Kehti Hai
رہائی کی خبر کس نے اڑائی صحن گلشن میں
اسیران قفس سے تو صبا کچھ اور کہتی ہے
بہت خوش ہے دل ناداں ہوائے کوے جاناں میں
مگر ہم سے زمانے کی ہوا کچھ اور کہتی ہے
تو میرے دل کی سن آغوش بن کر کہہ رہا ہے کچھ
تری نیچی نظر تو جانے کیا کچھ اور کہتی ہے
مری جانب سے کہہ دینا صبا لاہور والوں سے
کہ اس موسم میں دہلی کی ہوا کچھ اور کہتی ہے
ہوئی مدت کے مے نوشی سے توبہ کر چکے اختر
مگر دہلی کی مستانہ فضا کچھ اور کہتی ہے
اختر شیرانی
Akhtar Sherany