Band dareeche, sooni galiyan, an dekhe anjane loag Kis nagri mein aa nikle hain Sajid hum deevane loag

بند دریچے، سونی گلیاں ان دیکھے انجانے لوگ
کس نگری میں آ نکلے ہیں ساجدؔ ہم دیوانے لوگ
Band dareeche, sooni galiyan, an dekhe anjane loag
Kis nagri mein aa nikle hain Sajid hum deevane loag

ایک ہمی ناواقف ٹھہرے روپ نگر کی گلیوں سے
بھیس بدل کر ملنے والے سب جانے پہچانے لوگ
Aik hami nawaqif thehre roop nagar ki galiyon se
Vies badal kar milne wale sab jane pehchane loag

دن کو رات کہیں سو برحق، صبح کو شام کہیں سو خوب
آپ کی بات کا کہنا ہی کیا آپ ہوئے فرزانے لوگ
Din ko rat kahen so barhaq, subh ko sham kahen so khoob
Ap ki bat ka kehna hi kia ap huay farzane loag

شکوہ کیا اور کیسی شکایت آخر کچھ بنیاد تو ہو
تم پر میرا حق ہی کیا ہے، تم ٹھہرے بیگانے لوگ
Shikva kia aur kaisi shikayet, akhir kuch buniyad to ho
Tum par mera haq hi kia hai, tum thehre begane loag

شہر کہاں خالی رہتا ہے یہ دریا ہر دم بہتا ہے
اور بہت سے مل جائیں گے ہم ایسے دیوانے لوگ
Shehr kahan khali rehta hai, ye dariya har dam behta hai
Aur bohat se mil jayen ge hum aise deevane loag

سنا ہے اس کے عہد وفا میں ہوا بھی مفت نہیں ملتی
ان گلیوں میں ہر ہر سانس پہ بھرتے ہیں جرمانے لوگ
Suna hai us ke ehd e wafa mein hawa bhi muft nahi milti
In galiyon mein har har sans pe bahrte hian jurmane loag

اعتبار ساجدؔ
Aitbar Sajid