Dekh to dil ke jaan se uth-ta hai Yeh dhuaan sa kahaan se uth-ta hai

دیکھ تو دل کہ جاں سے اُٹھتا ہے
یہ دھواں سا کہاں سے اُٹھتا ہے
Dekh to dil ke jaan se uth-ta hai
Yeh dhuaan sa kahaan se uth-ta hai

گور کس دل جلے کی ہے یہ فلک
شعلہ اک صبح یاں سے اُٹھتا ہے
Gore kis dil jalay ki hai yeh falak
Sho’la ek subh yahaan se uth-ta hai

خانۂ دل سے زینہار نہ جا
کوئی ایسے مکاں سے اُٹھتا ہے
Khana-e-dil se zeenhaar na ja
Koi aise makaan se uth-ta hai

نالہ سر کھینچتا ہے جب میرا
شور اک آسماں سے اُٹھتا ہے
Naala sar kheen-chta hai jab mera
Shor ek aasmaan se uth-ta hai

لڑتی ہے اُس کی چشمِ شوخ جہاں
ایک آشوب واں سے اُٹھتا ہے
Ladti hai us ki chashm-e-shok jahaan
Ek aashob wahaan se uth-ta hai

سدھ لے گھر کی بھی شعلۂ آواز
دُود کچھ آشیاں سے اُٹھتا ہے
Sudh le ghar ki bhi shola-e-aawaaz
Dood kuch aashiyaan se uth-ta hai

بیٹھنے کون دے ہے پھر اُس کو
جو ترے آستاں سے اُٹھتا ہے
Baithne kaun de hai phir us ko
Jo tere aastaan se uth-ta hai

یوں اُٹھے آہ اُس گلی سے ہم
جیسے کوئی جہاں سے اُٹھتا ہے
Yoon uthay aah us gali se hum
Jaise koi jahaan se uth-ta hai

عشق اک میرؔ بھاری پتھر ہے  
کب یہ تجھ ناتواں سے اُٹھتا ہے
Ishq ek Meer bhari pathar hai
Kab yeh tujh na-tawaan se uth-ta hai

میر تقی میرؔ
Meer Taqi Meer