Gham Ke Maron Ki Baat Karte Ho Toote Taron Ki Baat Karte Ho

غم کے ماروں کی بات کرتے ہو
ٹوٹے تاروں کی بات کرتے ہو
Gham Ke Maron Ki Baat Karte Ho
Toote Taron Ki Baat Karte Ho
وقت پڑنے پہ کون کام آیا؟
کن سہاروں کی بات کرتے ہو
زندگی کا حباب اور بھنور
تم کناروں کی بات کرتے ہو
عمر بھر کون ساتھ دیتا ہے
تم بھی پیاروں کی بات کرتے ہو ؟
ڈوب جاتے ہیں دن نکلتے ہی
ان ستاروں کی بات کرتے ہو
چھوڑ کر وحشتیں بیاباں کی
سبزہ زاروں کی بات کرتے ہو ؟
ہم نے اک عمر کاٹ دی تنہا
تم سہاروں کی بات کرتے ہو
فرزانہ ساجد
Farzana Sajid