Ik Nazar Hi Dakha Tha Shoq Ne Shabaab Unka Din Ko Yad Hai Unki Raat Ko Hai Khuwab Unka

اک نظر ہی دیکھا تھا شوق نے شباب ان کا
دن کو یاد ہے ان کی رات کو ہے خواب ان کا
Ik Nazar Hi Dakha Tha Shoq Ne Shabaab Unka
Din Ko Yad Hai Unki Raat Ko Hai Khuwab Unka
گر گئے نگاہوں سے پھول بھی ستارے بھی
میں نے جب سے دیکھا ہے عالم شباب ان کا
ناصحوں نے شاید یہ بات ہی نہیں سوچی
اک طرف ہے دل میرا اک طرف شباب ان کا
اے دل ان کے چہرے تک کس طرح نظر جاتی
نور ان کے چہرے کا بن گیا حجاب ان کا
اب کہوں تو میں کس سے میرے دل پہ کیا گزری
دیکھ کر ان آنکھوں میں درد اضطراب ان کا
حشر کے مقابل میں حشر ہی صف آرا ہے
اس طرف جنوں میرا اس طرف شباب ان کا
جگن ناتھ آزاد
Jagan Nath Aazad