Kabhi Kabhi Dil Yun Chahta Hai Tum Ko Aadha Aadha Kar Ke
"پریت"
''Preet''
کبھی کبھی دل یوں چاہتا ہے
تم کو آدھا آدھا کر کے
Kabhi Kabhi Dil Yun Chahta Hai
Tum Ko Aadha Aadha Kar Ke
آدھا چھوڑوں نہر کنارے
آدھا چھوڑوں جنگل میں
نہر کنارے دَلدل ہو گی
پاؤں پیارے کَھا جائے گی
کَھا جائے گی ڈر جاؤ گے
ڈر جاؤ گے
دوڑ پڑو گے میری جانب
جنگل میں جب ہوا چلے گی
ٹھنڈی ہو گی ٹھٹھر پڑو گے
شاخیں ساری اُلجھ پڑیں گی
تم کیوں آئے ہو جنگل میں؟؟؟
تم سے بِیسیوں بار کہیں گی
بَھاگو پَلٹو
ساری پَریاں سَن سَن کر کے
اپنے پاؤں چَھن چَھن کر کے
تمہیں ڈرا کے خُوب بَھگا کے
زور زور سے ہنستی رہیں گی
اونچا اونچا سا چیخیں گی
ڈر جاؤ گے
دونوں طرف سے بھاگ پڑو گے
آدھے آدھے
کیسے لگو گے ؟
لیکن بانسری
دیکھو بانسری کون بجائے؟
خوف ناک سی دُھن ہے اِسکی
اِس قدر باریک سے سُر ہیں
کاٹ رہے ہیں پتّا پتّا
میں بھی کَٹ گئی ہوں یَک لحظہ
غور سے دیکھو میں بھی دو ہوں
کَٹی ہوئی کچھ اِدھر پڑی ہوں
کٹی ہوئی کچھ اُدھر گِری ہوں
تم آئے ہو اِک جانب سے
آدھے ہو تم آدھی ہوں میں
لپٹ گئے ہیں آدھے آدھے
دیکھو آدھے پورے ہوئے ہیں
اُدھر بھی آدھے تم ہو ساجن
باقی آدھی تم میں مَیں ہوں
پورا ہے اَب جنگل سارا
پورے ہم تم آدھے آدھے
لیکن آدھے پورے ہیں ہم
فائزہ صابری نوا
Faiza Sabri Nawa
Comments
Post a Comment