Kaun se jazbat le kar tere paas aya karoon Tu bata kis zaviye se main tujhe dekha karoon

کون سے جذبات لے کر تیرے پاس آیا کروں
تو بتا کس زاویئے سے میں تجھے دیکھا کروں
Kaun se jazbat le kar tere paas aya karoon
Tu bata kis zaviye se main tujhe dekha karoon

یہ بھی اک شرط سفر ہے ہمسفر کوئی نہ ہو
جس کسی بھی راستے کو طے کروں، تنہا کروں
Ye bhi ek shart e safar hai, humsafar koi na ho
Jis kisi bhi raaste ko tai karoon tanha karoon

میرے ملنے والوں میں سے کون ملتا ہے تجھے
تو کہاں ہے اور کیسا ہے کسے پوچھا کروں

مجھ میں بھی تیری طبیعت کا ذرا سا رنگ ہے
تو نہیں تو کیوں نہ اپنے آپ کو چاہا کروں

میرے شعروں میں تری بیچارگی کا دکھ بھی ہو
کاش جو تو سوچتا ہے، وہ بھی میں لکھا کروں

کیا سے کیا ہونے کا دکھ بھی کتنا کرب انگیز ہے
کس توقع پر ریاضؔ اب آئینہ دیکھا کروں
ریاضؔ مجید
Riaz Majeed