Khayal o Khwab Hui Hain Mohabbatain Kaisi Lahu Mein Nach Rahi Hain Yeh Wahshatain Kaisi

خیال و خواب ہوئی ہیں محبتیں کیسی
لہو میں ناچ رہی ہیں یہ وحشتیں کیسی
Khayal o Khwab Hui Hain Mohabbatain Kaisi
Lahu Mein Nach Rahi Hain Yeh Wahshatain Kaisi

نہ شب کو چاند ہی اچھا نہ دن کو مہر اچھا
یہ ہم پہ بیت رہی ہیں قیامتیں کیسی
Na Shab Ko Chand Hi Achcha Na Din Ko Mehr Achcha
Yeh Hum Pe Bīt Rahi Hain Qiyamatain Kaisi

وہ ساتھ تھا تو خدا بھی تھا مہرباں کیا کیا
بچھڑ گیا تو ہوئی ہیں عداوتیں کیسی
Woh Sath Tha To Khuda Bhi Tha Mehrban Kya Kya
Bichhaṛ Gaya To Hui Hain Adawatain Kaisi

عذاب جن کا تبسّم، ثواب جن کی نگاہ
کھنچی ہوئی ہیں پسِ جاں یہ صورتیں کیسی
Azab Jin Ka Tabassum, Sawab Jin Ki Nigah
Khinchi Hui Hain Pas-e-Jan Yeh Suratain Kaisi

ہوا کے دوش پہ رکھے ہوئے چراغ ہیں ہم
جو بجھ گئے تو ہوا سے شکایتیں کیسی
Hawa Ke Dosh Pe Rakhay Huay Chiragh Hain Hum
Jo Bujh Gaye To Hawa Se Shikayatain Kaisi

جو بے خبر کوئی گزرا تو یہ صدا دی ہے
میں سنگِ راہ ہوں مجھ پر عنایتیں کیسی
Jo Be Khabar Koi Guzra To Yeh Sada Di Hai
Main Sang-e-Rah Hun Mujh Par Inayatain Kaisi

نہیں کہ حسن ہی نیرنگیوں میں طاق نہیں
جنوں بھی کھیل رہا ہے سیاستیں کیسی
Nahin Ke Husn Hi Nairangiyon Mein Taq Nahin
Junon Bhi Khail Raha Hai Siyasatain Kaisi

نہ صاحبانِ جنوں ہیں نہ اہلِ کشف و کمال
ہمارے عہد میں آئیں کثافتیں کیسی
Na Sahiban-e-Junon Hain Na Ahl-e-Kashf-o-Kamai
Hamaray Ahd Mein Ain Kasafatain Kaisi

جو ابر ہے سو وہ اب سنگ و خشت لاتا ہے
فضا یہ ہو تو دلوں کی نزاکتیں کیسی
Jo Abr Hai So Woh Ab Sang-o-Khisht Lata Hai
Fiza Yeh Ho To Dilon Kī Nazakatain Kaisī

یہ دورِ بے ہنراں ہے بچا رکھو خود کو
یہاں صداقتیں کیسی کرامتیں کیسی
Yeh Daur-e-Be-Hunaran Hai Bacha Rakho Khud Ko
Yahan Sadaqatain Kaisi Karamatain Kaisi