Khuda se husn ne ek roz yeh sawal kiya Jahan mein kyun na mujhe tune la-zawal kiya

خدا سے حسن نے اک روز یہ سوال کیا
جہاں میں کیوں نہ مجھے تو نے لازوال کیا
Khuda se husn ne ek roz yeh sawal kiya
Jahan mein kyun na mujhe tune la-zawal kiya

ملا جواب کہ تصویر خانہ ہے دنیا
شب دراز عدم کا فسانہ ہے دنیا
Mila jawab ke tasveer khana hai dunya
Shab-e-daraaz-e-adam ka fasana hai dunya

ہوئی ہے رنگ تغیر سے جب نمود اس کی
وہی حسیں ہے حقیقت زوال ہے جس کی
Hui hai rang-e-taghayyur se jab numood us ki
Wohi haseen hai haqeeqat zawaal hai jis ki

کہیں قریب تھا ، یہ گفتگو قمر نے سنی
فلک پہ عام ہوئی ، اختر سحر نے سنی
Kahin qareeb tha, yeh guftugu qamar ne suni
Falak pe aam hui, akhtar-e-sahar ne suni

سحر نے تارے سے سن کر سنائی شبنم کو
فلک کی بات بتا دی زمیں کے محرم کو
Sahar ne taare se sun kar sunayi shabnam ko
Falak ki baat bata di zameen ke mehram ko

بھر آئے پھول کے آنسو پیام شبنم سے
کلی کا ننھا سا دل خون ہو گیا غم سے
Bhar aaye phool ke aansu payaam-e-shabnam se
Kali ka nanha sa dil khoon ho gaya gham se

چمن سے روتا ہوا موسم بہار گیا
شباب سیر کو آیا تھا ، سوگوار گیا
Chaman se rota hua mausam-e-bahaar gaya
Shabab seer ko aaya tha, sogwaar gaya