Mae kada ban gain mast aankhein zulf kaali ghata ho gayi hai Kya ho mae ka nasha zindagi mein zindagi khud nasha ho gayi hai

مے کدہ بن گئیں مست آنکھیں زلف کالی گھٹا ہو گئی ہے
کیا ہو مے کا نشہ زندگی میں زندگی خود نشہ ہو گئی ہے
Mae kada ban gain mast aankhein zulf kaali ghata ho gayi hai
Kya ho mae ka nasha zindagi mein zindagi khud nasha ho gayi hai

بے اجازت لبوں کو تمہارے چوم کر خود پریشان ہوں میں
ہوش میں اتنی جرات نہ ہوتی بے خودی میں خطا ہو گئی ہے
Be ijazat labon ko tumhare choom kar khud pareshan hoon main
Hosh mein itni jurat na hoti be khudi mein khata ho gayi hai

ہر تبسم خفا ہو گیا ہے، ہر مسرت جدا ہو گئی ہے۔
اے غمِ عشق! تری بدولت زندگی کیا سے کیا ہو گئی ہے
Har tabassum khafa ho gaya hai, har musarrat juda ho gayi hai
Ae gham-e-ishq teri badolat zindagi kya se kya ho gayi hai

میں اسیرِ غمِ ہجر ٹھہرا، اور اس سے زیادہ کہوں کیا
مجھ کو جرمِ محبت میں یارو، عمر بھر کی سزا ہو گئی ہے
Main aseer-e-gham-e-hijr thahra, aur us se zyada kahoon kya
Mujh ko jurm-e-mohabbat mein yaro, umr bhar ki saza ho gayi hai

پہلے تو دیکھنا مسکرانا پھر نظر پھیرنا روٹھ جانا
ہو گیا خون کتنوں کا ناحق آپ کی تو ادا ہو گئی ہے
Pehle to dekhna muskurana phir nazar pherna rooth jana
Ho gaya khoon kitnon ka na-haq aap ki to ada ho gayi hai

ایسی چلتی ہے گلیوں میں تیری جھوم کر جیسے چلتے ہیں مے کش
جب سے زلفوں کو تیری چھوا ہے کتنی بے خود صبا ہو گئی ہے
Aisi chalti hai galiyon mein teri jhoom kar jaise chalte hain mae kash
Jab se zulfon ko teri chhua hai kitni be khud saba ho gayi hai

بے دوا مجھ کو اچھا کیا ہے چارہ سازی کے انداز دیکھو
مسکرا کر نظر یوں اٹھائی دردِ دل کی دوا ہو گئی ہے
Be dawa mujh ko achha kya hai chaara saazi ke andaaz dekho
Muskura kar nazar yoon uthayi dard-e-dil ki dawa ho gayi hai

یوں رچا کیف نس نس میں میری مٹ گئی فکرِ دنیا و عقبیٰ
جب سے رکھا قدم مے کدے میں زندگی کیا سے کیا ہو گئی ہے
Yoon racha kaif nas nas mein meri mit gayi fikr-e-duniya o uqba
Jab se rakha qadam mae kaday mein zindagi kya se kya ho gayi hai

عشق نے کیا تماشہ دکھایا کیسی کروٹ نصیبوں نے بدلی
اے فناؔ ہم کو دیوانہ کر کے وہ نظر پارسا ہو گئی ہے
Ishq ne kya tamasha dikhaya kaisi karwat naseebon ne badli
Ae Fana hum ko deewana kar ke woh nazar paarsa ho gayi hai