Meri zindagi to firaq hai woh azal se dil mein makeen sahi Woh nigah-e-shauq se door hain rag-e-jaan se laakh qareen sahi

مری زندگی تو فراق ہے وہ ازل سے دل میں مکیں سہی
وہ نگاہ شوق سے دور ہیں رگ جاں سے لاکھ قریں سہی
Meri zindagi to firaq hai woh azal se dil mein makeen sahi
Woh nigah-e-shauq se door hain rag-e-jaan se laakh qareen sahi

ہمیں جان دینی ہے ایک دن وہ کسی طرح وہ کہیں سہی
ہمیں آپ کھینچے دار پر جو نہیں کوئی تو ہمیں سہی
Humein jaan deni hai ek din woh kisi tarah woh kahin sahi
Humein aap kheenchen daar par jo nahin koi to humein sahi

غم زندگی سے فرار کیا یہ سکون کیوں یہ قرار ک۔    
غم زندگی بھی ہے زندگی جو نہیں خوشی تو نہیں سہی
Gham-e-zindagi se firaar kiya yeh sukoon kyun yeh qaraar kiya
Gham-e-zindagi bhi hai zindagi jo nahin khushi to nahin sahi

سر طور ہو سر حشر ہو ہمیں انتظار قبول ہے
وہ کبھی ملیں وہ کہیں ملیں وہ کبھی سہی وہ کہیں سہی
Sar-e-Toor ho sar-e-hashr ho humein intezaar qabool hai
Woh kabhi milen woh kahin milen woh kabhi sahi woh kahin sahi

نہ ہو ان پہ جو مرا بس نہیں کہ یہ عاشقی ہے ہوس نہیں  
میں انہیں کا تھا میں انہیں کا ہوں وہ مرے نہیں تو نہیں سہی
Na ho un pe jo mera bas nahin keh yeh aashiqi hai havas nahin
Main unhi ka tha main unhi ka hoon woh mere nahin to nahin sahi

مجھے بیٹھنے کی جگہ ملے مری آرزو کا بھرم رہے  
تری انجمن میں اگر نہیں تری انجمن کے قریں سہی
Mujhe baithne ki jagah mile meri aarzoo ka bharm rahe
Teri anjuman mein agar nahin teri anjuman ke qareen sahi

ترے واسطے ہے یہ وقف سر رہے تا ابد ترا سنگ در
کوئی سجدہ ریز نہ ہو سکے تو نہ ہو مری ہی جبیں سہی
Tere waaste hai yeh waqf-e-sar rahe ta abad tera sang-e-dar
Koi sajda raiz na ho sake to na ho meri hi jabeen sahi

مری زندگی کا نقیب ہے نہیں دور مجھ سے قریب ہے
مجھے اس کا غم تو نصیب ہے وہ اگر نہیں تو نہیں سہی
Meri zindagi ka naqeeb hai nahin door mujh se qareeb hai
Mujhe us ka gham to naseeb hai woh agar nahin to nahin sahi

جو ہو فیصلہ وہ سنائیے اسے حشر پر نہ اٹھائیے
جو کریں گے آپ ستم وہاں وہ ابھی سہی وہ یہیں سہی
Jo ho faisla woh sunaiye ise hashar par na uthaiye
Jo karenge aap sitam wahan woh abhi sahi woh yahin sahi

اسے دیکھنے کی جو لو لگی تو نصیرؔ دیکھ ہی لیں گے ہم
وہ ہزار آنکھ سے دور ہو وہ ہزار پردہ نشیں سہی
Ise dekhne ki jo lau lagi to Naseer dekh hi lenge hum
 Woh hazaar aankh se door ho woh hazaar parda nasheen sahi