Mujh Sa Nah Day Zamanay Ko Parwardigaar Dil Aashufta Dil, Farifta Dil,Bay’qaraar Dil

مجھ سا نہ دے زمانے کو پروردگار دل
آشفتہ دل فریفتہ دل بیقرار دل
Mujh Sa Nah Day Zamanay Ko Parwardigaar Dil
Aashufta Dil, Farifta Dil,Bay’qaraar Dil

ہر بار مانگتی ہے نیا چشم یار دل
اک دل کے کس طرح سے بناؤں ہزار دل
Har Baar Mangti Hay Naya Chashm-e-Yaar Dil
Ek Dil K Kis Trah Say Banaoun Hazaar Dil

مشہور ہو گئی ہے زیارت شہید کی
خون گشتہ آرزو کا بنا ہے مزار دل
Mash’hoor Ho Gayi Hay Zayarat Shaheed Ki
Khoon Gashta Aarzzo Ka Bana Hay Mazaar Dil

یہ صید گاہ عشق ہے ٹھہرائیے نگاہ
صیاد مضطرب سے نہ ہو گا شکار دل
Yeh Sayyad Gaah Ishq Hay Thehrayiye Nigah
Sayyad Muztarab Say Nah Ho Ga Shikaar Dil

طوفان نوح بھی ہو تو مل جائے خاک میں
اللہ رے غبار ترا پر غبار دل
Toofan-e-Nooh Bhi Ho To Mil Jaye Khaak Main
Allah Ray Ghubaar Tera Pur Ghubaar Dil

پوچھا جو اُس نے طالب روز جزا ہے کون
نکلا مری زبان سے بے اختیار دل
Poocha Jo Us Nay Taalib Rooz-e-Jaza Hay Koun
Nikla Meri Zubaan Say Bay Akhtyaar Dil

کرتے ہو عہد وصل تو اتنار ہے خیال
پیمان سے زیادہ ہے نا پائیدار دل
Kartay Ho Ehd-e-Wasl To Itna Rahay Khyaal
Paimaan Say Zyada Hay Na Pai’daar Dil

تاثیر عشق یہ ہے ترے عہد حسن میں
مٹی کا بھی بنائیں تو ہو بیقرار دل
Taaseer-e-Ishq Yeh Hay Tere Ehd-e-Husan Main
Matti Ka Bhi Bnayen To Ho Bay’qaraar Dil

اس کی تلاش ہے کہ نظر آئے آرزو
ظالم نے روز چاک کیے ہیں ہزار دل
Uski Talaash Hay Kah Nazar Aaye Aarzoo
Zaalim Nay Roz Chaak Kiye Hain Hazaar Dil

عالم ہوا تمام رہا اُس کو شو ق جور
برسادے آسمان سے پروردگار دل
Aalam Hua Tamaam Raha Usko Shauk-e-Jaur
Barsa Day Aasmaan Say Parwar’digaar Dil

پہلے پہل کی چاہ کا کیجیے نہ امتحاں
آنا تو سیکھ لے ابھی دو چار بار دل
Pehlay Pehal Ki Chaah Ka Kijiye Nah Imteehaan
Aana To Seekh Lay Abhi Do Chaar Baar Dil

نکلے مری بغل سے وہ ایسی تڑپ کے ساتھ
یاد آ گیا مجھے وہیں بے اختیار دل
Niklay Meri Baghal Say Woh Aisi Tarap K Sath
Yaad Agya Mujhay Wahein Bay’ikhtyaar Dil

اے عندلیب تجھ کو لگی کب ہوائے عشق
کلیوں کی طرح تجھ میں نہ پھوٹے ہزار دل
Ae Andleeb Tujh ko Lagi Kab Hawa-e-Ishq
Kaliyoun Ki Trah Tujh Main Nah Phootay Hazaar Dil

اُس نے کہا ہے صبر پڑے گا رقیب کا
لے اور بیقرار ہواے بیقرار دل
Us Nay Kaha Hay Sabar paray Ga Raqeeb Ka
Lay Aur Bay Qaraar Ho Ae Bay’Qaraar Dil

بیتاب ہو کے بزم سے اُس کی اٹھا دیا
غافل میں ہوں مگر ہے بہت ہوشیار دل
Bay’Taab Ho K Bazm Say Uski Utha Diya
Ghaafil Main Houn Magar Hay Bohat Hoshiyaar Dil

مشہور ہیں سکندر و جم کی نشانیاں
اے داغ چھوڑ جائیں گے ہم یاد گار دل
Mash’hoor Hain Sikandar-o-Ajam Ki Nishaaniyan
Ae Daagh Chor Jayen Gay Ham Yaad’gaar Dil