Ye misra nahi hai wazifa mera hai Khuda hai mohabbat, mohabbat khuda hai

یہ مصرع نہیں ہے وظیفہ مرا ہے
خدا ہے محبت، محبت خدا ہے
Ye misra nahi hai wazifa mera hai
Khuda hai mohabbat, mohabbat khuda hai

کہوں کس طرح میں کہ وہ بے وفا ہے
مجھے اس کی مجبوریوں کا پتا ہے
Kahoon kis tarah main ke woh bewafa hai
Mujhe uski majbooriyon ka pata hai

ہوا کو بہت سر کشی کا نشا ہے
مگر یہ بھولے دیا بھی دیا ہے
Hawa ko bohat sarkashi ka nasha hai
Magar ye bhoolay diya bhi diya hai

میں اس سے جدا ہوں وہ مجھ سے جدا ہے
محبت کے ماروں پہ فضلِ خدا ہے
Main us se juda hoon woh mujh se juda hai
Mohabbat ke maron pe fazl-e-khuda hai

نظر میں ہے جلتے مکانوں کا منظر
چمکتے ہیں جگنو تو دل کانپتا ہے
Nazar mein hai jalte makaanon ka manzar
Chamakte hain jugnu to dil kaanpta hai

اُنہیں بھولنا یا انہیں یاد کرنا
وہ بچھڑے ہیں جب سے یہی مشغلہ ہے
Unhen bhoolna ya unhen yaad karna
Woh bichhde hain jab se yehi mashghala hai

گزرتا ہے ہر شخص چہرہ چھپائے
کوئی راہ میں آئینہ رکھ گیا ہے
Guzarta hai har shakhs chehra chhupaye
Koi raah mein aaina rakh gaya hai

بڑی جان لیوا ہیں ماضی کی یادیں
بھُلانے کو جی بھی نہیں چاہتا ہے
Badi jaan lewa hain maazi ki yaadein
Bhulaane ko ji bhi nahi chahta hai

کہاں تُو خمار اور کہاں کفرِ توبہ
تجھے پارساؤں نے بہکا دیا ہے
Kahan tu khumaar aur kahan kufr-e-tauba
Tujhe parsaon ne behka diya hai