Niyat Nasri Nazam Sheikh Aslam Azad Aey Waqt Ke Moarikh Tere Qalam Aur Hoslay Ko Salaam

Niyat

Nasri Nazam

Sheikh Aslam Azad

Aey Waqt Ke Moarikh

Tere Qalam Aur Hoslay Ko Salaam

Keh

Tuu Woh Kuch Bhi Likh Ke Tareekh

Ka Hissa Bana Deta Hai

Jis Ko Sun'nay Ke Liye Bhi Hossla Chahiye

Jaise Tuu Ne "Thar Aur Larr" Ki 

Halia Tabahkun Barishon Ke Baad

Manzarnaama Likh Ke

Yun Tareekh Bana Di

Keh

"Woh Waqt-e-Sahar Khulay 

Aasmaan Talay

Chaand Ki Dhundlakay Roshni Mein

Paani Mein Gheri Chaarpaai Pe 

Baitha

Aik Laghar Magar Pur-Azam Shakhs

Maathey Pe 

Emaan Ki Shamma 

Firozaan Kiye

Qina'at Ke Dastarkhuwaan Pe

Sookhi Roti

Aur

Paani Dhare

Roza Rakhnay Ki "Niyat" Kar Raha Hai

Wa Bissomi Gadin Nawaito Min Shahr-e-Ramazan