Main Tanavry Ki Misaal Tha,Mujhe Bandagi Ne Jhuka Diya Main Darakht Tha Bada Samarbaar , Mujhe Sarkashi Ne Kata Diya

میں تناوری کی مثال تها
مجهے بندگی نے جهکا دیا
میں درخت تها بڑا ثمربار
مجهے سرکشی نے کٹا دیا

جو طے رہا وہی ہو گیا
میں رومال تها ذرا ریشمی
کبهی غفلتوں سے سکڑ گیا
کبهی بد نظر نے جلا دیا
میرے تن بدن کے نظام میں
میری شدتیں رہیں چارہ گر
کبهی وحشتوں نے ہنسا دیا
کبهی عاجزی نے رلا دیا
دو طوائفوں کے مکان میں
بے فکر سا میں نواب تها
کبهی عاشقی نے جگا دیا
کبهی زندگی نے سلا دیا
میں عمر بهر بڑا تنگ رہا
یہاں عشق کی احادیث سے
کبهی حنفیوں نے خفا کیا
کبهی ترمزی نے ستا دیا
میرے غم کے نام پہ جو رنگ تها
میری دهڑکنوں سے گیا نہیں
کبهی تیز لے میں اڑا رہا
کبهی ڈهولکی نے جما دیا
میری آنکھ سے رہے اختلاف
یونہی بے وجہ یونہی بے پناہ
کبهی شربتی سے گلے رہے
کبهی نرگسی نے دغا دیا
میں رزب ہوں اس دیار سے
جہاں نیکیاں نہیں بهولتی
میں نزع کا شکر گزار ہوں
مجهے فوتگی نے مزہ دیا
(رزب تبریز)