Sab Gunah o Haram Chalne Do Keh Rahe Hein Nizam Chalne Do

سب گناہ و حرام چلنے دو

کہہ رہے ہیں نظام چلنے دو

Sab Gunah o Haram Chalne Do

Keh Rahe Hein Nizam Chalne Do

ضد ہے کیا وقت کو بدلنے کی

یونہی سب بے لگام چلنے دو

Zid Hai Kia Waqt Ko Badalne Ki

Yunhi Sab Be-Lagam Chalne Do

بے کسی، بھوک اور مصیبت کا

خوب ہے اہتمام چلنے دو

Be-Kasi , Bhook Aur Museebat Ka 

Khoob Hai Ahtemam Chalne Do

اہلیت کیا ہے میری چھوڑ اسے

نام کافی ہے، نام چلنے دو

Ahliat Kia Hai Meri Chod Ise

Nam Kafi Hai , Nam Chalne Do

مفت مرتا نہیں تو راہوں میں

تجھ کو دیتے ہیں دام، چلنے دو

 Muft Marta Nahi Tou Rahon Mein

Tujh Ko Dete Hein Daam , Chalne Do

تم ہو زاہد تو جاؤ مسجد میں

میکدے میں تو جام چلنے دو

Tum Ho Zahid Tou Jao Masjid Mein

Maikaday Mein Tou Jaam Chalne Do

تیرے اجداد کے تھے آقا ہم

خود کو بھی زیر دام چلنے دو

Tere Ajdad Ke Thay Aaqa Hum

Khud Ko Bhi Zer e Dam Chalne Do

حق کو چھوڑو، کتاب کو چھوڑو

حکمِ حاکم سے کام چلنے دو

Haq Ko Chodo , Kitab Ko Chodo

Hukm e Hakim Se Kam Chalne Do

ہم جو اترے تو پھر اندھیرا ہے

سو یہی غم کی شام چلنے دو

Hum Jo Utre Tou Phir Andhera Hai

So Yahi Gham Ki Shaam Chalne Do

شاہ جائے گا، شاہ آئے گا

تم رہو گے غلام ، چلنے دو

Shah Jaye Ga , Shah Aaeiga

Tum Raho Gy Ghulam , Chalne Do 

اتباف ابرک 

Atbaf Abrak