Jab Khuda Koi Kam Laita Hai

جب خُدا کوئی کام لیتا ہے
خضر دیوار تھام لیتا ہے
قدر پوچھے کوئی زلیخا سے
کون یوسف کے دام لیتا ہے
ساقی لبریز کر دے پیمانہ
آج واعظ بھی جام لیتا ہے
سوچ لو مہلتیں نہیں ملتیں
وقت جب انتقام لیتا ہے
روک لیتی ہے کچھ حیا اُسکو
کچھ تکلّف سے کام لیتا ہے
نام اپنا ہی بُھول جاتا ہوں
کوئی جب تیرا نام لیتا ہے
اتنا مجبور بھی نہیں ارشد
عشق کیوں اِتّہام لیتا ہے
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania