.jpg)
کُچھ تو جیون میں چلو پیار کی گھڑیاں آئیں
آۓ کچھ غم تو کبھی ساتھ میں خوشیاں آئیں
اک کہانی تھی وہ بچپن میں کہانی سُننا
آئی شہزادی نہ کوئی چاند سے پریاں آئیں
دُور اک مُلکِ عدم میں ہے پِیا کا گاؤں
گوری چل لینے تجھے ساتھ یہ سکھیاں آئیں
ہم نے اک عُمر رنگا رنگ تماشا دیکھا
پُتلیاں مغربی اقدار کی عُریاں آئیں
یاد آۓ مجھے کچھ چھوڑ کے جانے والے
دانہ چُگنے میرے آنگن میں جو چِڑیاں آئیں
مِلنے آئے ہیں مُجھے ننھے فرشتے ارشد
مِیٹھی مِیٹھی میرے کانوں میں یہ بتیاں آئیں
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment