.jpg)
شَر کِشتِ خُونِ خَلق میں مَشّاق ہو گیا
یزداں سے اہرمن کا کیا اِلحاق ہو گیا ؟
ِاس آگہی سے موت نے آخِر نجات دی
اک زہر سے ہی زہر کا تریاق ہو گیا
دُنیا میں خِرد کو کیا بے نام قیس نے
قصّہ جُنوں کا شہرۂ آفاق ہو گیا
دیوانہ وار قرض وفا کے چُکاۓ ہیں
سارا حِساب عِشق میں بے باق ہو گیا
اُس نے اشارہ کر کے مُجھے اپنا کہہ دیا
ارشد میں رشکِ مَجمعِ عُشّاق ہو گیا
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment