Youn Badal Jayega Ik Din Yeh Kabhi Socha Na Tha

عدیم ہاشمی کی نذر
یُوں بدل جائے گا اک دن یہ کبھی سوچا نہ تھا
جانتا تھا وہ کوئی اُسکے سِوا میرا نہ تھا
مدتوں کے بعد میرے پاس سے اک بزم میں
ِاس طرح گزرا ہے وہ جیسے مجھے دیکھا نہ تھا
میں بھی اپنی بات کہنے میں رہا ناکام کچھ
اس نے بھی شاید مجھے پوری طرح سمجھا نہ تھا
مال و دولت، دوست رشتے یہ میری پہچان ہیں
اس سے بڑھ کر اور دُنیا میں کوئی دھوکا نہ تھا
آنکھوں میں آنسو بھر آئے آج ماں یاد آگئی
ایک مدت ہو گئی ارشد کہ میں رویا نہ تھا
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania