.jpg)
زر کے سانچوں میں ڈھل بھی جاتے ہیں
لوگ اکثر بدل بھی جاتے ہیں
ہم فرشتے نہیں کہ رُک جائیں
حد سے آگے. نکل بھی جاتے ہیں
رات باقی ہے بَھر دو پیمانہ
ہم سحر تک سنبھل بھی جاتے ہیں
تو کبھی آزما کے دیکھ ہمیں
کھوٹے سِکّے ہیں چل بھی جاتے ہیں
یہ تکّبر کے مال کے سورج
شام ہوتے ہی ڈھل بھی جاتے ہیں
دل کے پتھّر ہیں وہ مگر ارشد
موم بن کر پِگھل بھی جاتے ہیں
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment