Ek qayamat ka ghhao ankhen theen Ishq toofan mein nao ankhen theen

اک قیامت کا گھاؤ آنکھیں تھیں
عشق طوفاں میں ناؤ آنکھیں تھیں

راستہ دل تلک تو جاتا تھا
اس کا پہلا پڑاؤ آنکھیں تھیں

ایک تہذیب تھا بدن اس کا
اس پہ اک رکھ رکھاؤ آنکھیں تھیں

جن کو اس نے چراغ سمجھا تھا
اس کو یہ تو بتاؤ آنکھیں تھیں

دل میں اترا وہ دیر سے لیکن
میرا پہلا لگاؤ آنکھیں تھیں

قطرہ قطرہ جو بہہ گئیں کل شب
آؤ، تم دیکھ جاؤ آنکھیں تھیں

Ek qayamat ka ghhao ankhen theen
Ishq toofan mein nao ankhen theen

Raasta dil talak to jata tha
Us ka pehla padao ankhen theen

Aik tehzeeb tha badan us ka
Us pe ek rakh rakhhao ankhen theen

Jin ko us ne chiragh samjha tha
Us ko ye to batao, ankhen theen

Dil mein utra wo der se lekin
Mera pehla lagao ankhen theen

Qatra qatra jo beh gayeen kal shab
Aao, tum dekh jao ankhen theen