چُھٹے جب پیار کے رشتے تو قیمت کی سمجھ آئی
محبّت کھو گئی جب تک محبّت کی سمجھ آئی
حقیقت جس کو سمجھے تھے وہ اک چھوٹا سا وقفہ تھا
ہوئیں جب بند آنکھیں تو حقیقت کی سمجھ آئی
حرم میں اَس کو مانگا تھا آٹھا کر خالی ہاتھوں کو
صنم جب سامنے آیا عبادت کی سمجھ آئی
وہ میرے ساتھ تھا جب تک مجھے خُود پر بھروسہ تھا
چُھڑایا ہاتھ جب اُس نے تو قسمت کی سمجھ آئی
جہاں میں ظلم کرنے کی سزا نہ ہو نہیں ممکن
قیامت دیکھ کر ہم کو قیامت کی سمجھ آئی
پروپیگنڈا ذہنوں کو کئے رکھتا ہے آلودہ
تمہاری بے وجہ بے کار نفرت کی سمجھ آئی
مجھے محرومیوں کا اب نہیں شکوہ کوئی ارشد
وہ آیا میری باہوں میں تو نعمت کی سمجھ آئی
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment