پکڑا قلم جو ہاتھوں میں لِکھنے نہیں دیا
تُم نے تو دل کا حال بھی کہنے نہیں دیا
کوشش کے باوجود وہ میرا نہ بن سکا
جس نے کبھی میرا مجھے ہونے نہیں دیا
دِل میں جلاۓ رکھتا ہے اُمّید کی کرن
اُس شخص کو میں نے کبھی مرنے نہیں دیا
میں لمحہ لمحہ جیتا رہا موت کے لیے
جب زندگی نے زہر بھی پینے نہیں دیا
اک نیند جس کے شوق میں جاگے تمام عُمر
اک خواب جس نے عُمر بھر سونے نہیں دیا
شاید تجھے گنوا کے میں رویا تھا پہلی بار
پھر مجھ کو کسی بات نے ہنسنے نہیں دیا
ارشد بہت عزیز ہے یہ زخم ہجر کا
اک زخم جس کو آج تک بھرنے نہیں دیا
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment