Mahtab Sifat Log Yahan Khaak Basar Hein Hum Maho Tamasha e Sar e Rah Guzar Hein

مہتاب صفت لوگ یہاں خاک بَسر ہیں
  ہم  محو  تماشائے  سرِ  راہ  گُزر  ہیں
 حسرت سی برستی ہے دَر و  بام  پہ  ہر  سُو
روتی ہوئی گلیاں ہیں ، سِسکتے ہُوئے گھر ہیں
 آئے  تھے  یہاں  جن  کے  تصور   کے   سہارے
وُہ چاند ، وُہ سُورج ، وُہ شب و روز کِدھر ہیں ؟
سوئے ہو گھنی زُلف کے سائے میں ابھی تک
 اے  راہِ  رواں ،،، کیا  یہی  اندازِ  سفر  ہیں ؟
 وہ  لوگ  قدم  جن  کے لئے  کاہکشاں  نے
وہ لوگ بھی اے ہم نفسو ہم سے بشر ہیں
بِک جائیں جو ہر شخص کے ہاتھوں سرِ بازار
ہم یُوسفِ کنعاں ہیں ،،، نہ ہم لعل و گہر ہیں
ہم لوگ مِلیں گے تو مُحبّت سے مِلیں گے
ہم نزہتِ مہتاب ہیں ،،، ہم نورِ سَحر ہیں
(شاعرِ انقلاب)