Muhabbat ki jhooti adaon pe sahib jawani lutane ki koshish na karna Bare be muravvat hain ye husn wale, kahin dil lagane ki koshish na karna

محبت کی جھوٹی اداؤں پہ صاحب جوانی لٹانے کی کوشش نہ کرنا
بڑے بے مروت ہیں یہ حسن والے، کہیں دل لگانے کی کوشش نہ کرنا
Muhabbat ki jhooti adaon pe sahib jawani lutane ki koshish na karna
Bare be muravvat hain ye husn wale, kahin dil lagane ki koshish na karna

 
ہنسی آتی ہے اپنی بربادیوں پر نہ یوں پیار سے دیکھیے بندہ پرور
مِرے دل کے زخموں کو نیند آ گئی ہے، انہیں تم جگانے کی کوشش نہ کرنا
Hansi ati hai apni barbadiyon par na youn pyar se dekhhiye banda parwar
Mere dil ke zakhmon ko neend aa gaiy hai, inhen tum jagane ki koshish na karna

 
محبت تو ہے ایک کاغذ کی ناؤ، اُدھر بہتی ہے جس طرف ہو بہاؤ
نظر کے بھنور میں نہ تم ڈوب جاؤ، نگاہیں ملانے کی کوشش نہ کرنا
Muhabbat to hai aik kaghaz ki nao udhar behti hai jis taraf ho bahao
Nazar ke bhanwar mein na tum doob jao, nigahen milane ki koshish na karna

 
ٹھہر جاؤ آنکھوں میں تھوڑا سا دم ہے، تمہیں دیکھ لیں ورنہ حسرت رہے گی
بناتے رہے ہو ہمیں زندگی بھر مگر اب بنانے کی کوشش نہ کرنا
Thehr jao ankhon mein thora sa dam hai, tumhen dekh len warna hasrat rahe gi
Banate rahe ho humen zindagi bhar magar ab banane ki koshish na karna

 
ستمگر سے جور و ستم کی شکایت نہ ہم کر سکے ہیں، نہ ہم کر سکیں گے
مرے آنسوؤ تم مِرا ساتھ دینا، انہیں تم بتانے کی کوشش نہ کرنا
Sitamgar se jor o sitam ki shikayet na hum kar sake hain, na hum kar saken ge
Mere ansuo tum mera sath dena unhen tum batane ki koshish na karna

 
شمع بن کے محفل میں ہم جل رہے ہیں مگر دل کی حالت ہے پروانوں جیسی
خدا کی قسم جان دے دیں گے تم پر ہمیں آزمانے کی کوشش نہ کرنا
Shama ban ke mehfil mein hum jal rahe hain magar dil ki haalat hai parwanon jaisi
Khuda ki qasam jan de den ge tum par humen azmane ki koshish na karna

 
مسرور انور
Masroor Anwar