Aik Deewane Se Bhare Shehar Ko Ja Lagti Hai Yeh Muhabbat Tou Mujhe Koi Waba Lagti Hai

ایک دیوانے سے بھرے شہر کو جا لگتی ہے
یہ مـحبت تـو مـجھے کـوئی وبـا لگتی ہے
Aik Deewane Se Bhare Shehar Ko Ja Lagti Hai
Yeh Muhabbat Tou Mujhe Koi Waba Lagti Hai
روز آتی ہـے میـرے پاس تسلی دینے
شب تنہائی، بتا، تو میری کیا لگتی ہے

اک فقط تو ہے جو بدلا ہے دنوں میں ورنہ
لگتـے لگتـے ہی زمانـے کی ہوا لگتی ہے

آنکھ سے اشک گرا ہے سو میاں، ہاتھ اٹھا
تارہ ٹوٹـے پہ جو کی جائے دعا لگتی ہے

تیری آنکھوں کے ستاروں کے طفیل اے میرے دوست
دشت پر ہول کی ظلمت بھی ضیا لگتی ہے

وہ جو ملتی ہی نہیں عالم بیداری میں
آنکھ لگتے ہی میـرے سینے سے آ لگتی ہے

بات جتنی بھی ہو بیجا مگر اے شیریں سخن
جب تیرے لب سے ادا ہو تو بجا لگتی ہے

خوش گمانی کا یہ عالم ہے کہ فارس اکثر
یار کرتے ہیں جفا، ہم کو وفـا لگتی ہے
رحمان فارس
Rehman Faris