Khwab kidhar chala gaya yad kahan sama gaiy Chashm o chiragh e ishq ko kaun hawa bujha gaiy

خواب کدھر چلا گیا یاد کہاں سما گئی
چشم و چراغِ عشق کو کون ہوا بُجھا گئی
Khwab kidhar chala gaya yad kahan sama gaiy
Chashm o chiragh e ishq ko kaun hawa bujha gaiy

 
ہجر تو جاگتا رہا رُوح کے درد زار میں
جسم کی خوابگاہ میں وصل کو نیند آ گئی
Hijr to jagta raha rooh ke dard zaar mein
Jism ki khwabgah mein wasl ko neend aa gaiy

 
نرم لبوں سے سخت بات ایسے ادا ہوئی کہ بس
شہد میں مل گیا نمک، دن میں ہی رات چھا گئی
Narm labon se to sakht bat aise ada hui ke bas
Shehed mein mil gaya namak, din mein hi rat chha gaiy

 
رنگ برنگ تتلیو اب کسے ڈھونڈتی ہو تُم
خوشبو کو لے گئی ہوا، پھول کو خاک کھا گئی
Rang barang titliyo ab kise dhoondti ho tum
Khushbu ko le gaiy hawa, phool ko khak khha gaiy

 
ہم تو بس اچھے دوست تھے، ہم تو بس اچھے دوست ہیں
پھر یہ ہمارے درمیاں پریت کہاں سے آ گئی
Hum to bas ache dost thay, hum to bas ache dost hain
Phir ye hamare darmiyan preet kahan se aa gaiy

 
ایک تمہارے دل میں تھا، ایک تھا میری آنکھ میں
آندھی چلی فراق کی دونوں گھروندے ڈھا گئی
Aik tumhare dil mein tha, aik tha meri ankh mein
Aandhi chali firaq ki, donon ghharonde dha gaiy

 
جسم تو خیر جسم تھا، جسم کا تذکرہ ہی کیا
ایک نگاہ میں وہ آنکھ رُوح کے بھید پا گئی
Jism to khair jism tha jism ka tazkira hi kia
Aik nigah mein wo ankh rooh ke bhed pa gaiy

 
بُھولی ہوئی صدا کا چاند صحن میں چمکا یا بُجھا
گذرے ہوئے دنوں کی یاد دھیان میں آئی یا گئی
Bhooli hui sadaa ka chaand sehn mein chamka ya bujha
Guzre huay dinon ki yad dhiyan mein aiy ya gaiy

 
صبر کی رہگزار پر ایسے مِلی شبِ طلب
مُجھ کو بھی ڈگمگا دیا، آپ بھی لڑکھڑا گئی
Sabr ki rehguzaar par aise mili shab e talab
Mujh ko bhi dagmaga dia, ap bhi larkhhara gaiy

 
چشمِ زدن میں دو جہاں جیسے اُلٹ کے رہ گئے
آنکھ جُھکی تو حشر اُٹھا آنکھ اُٹھی تو چھا گئی
Chashm e zadanmein do jahan jaise ulat ke reh gaye
Ankh jhuki to hashr utha ankh uthi to chha gaiy

 
رحمان فارس
Rehman Faris