Tumhara Husn , Tumhara Shabab Tha Kia Tha Faqat Khayal Tha Ya Koi Khuwab Tha , Kia Tha

تمہارا حسن، تمہارا شباب تھا کیا تھا
فقط خیال تھا یا کوئی خواب تھا، کیا تھا
Tumhara Husn , Tumhara Shabab Tha Kia Tha
Faqat Khayal Tha Ya Koi Khuwab Tha , Kia Tha
تمام عمر نہ دیکھی قرار کی صورت
دل حزیں مرے حق میں عذاب تھا، کیا تھا

تری نگاہ کا اٹھنا وہ بار بار ادھر
کرم تھا یا ستم بے حساب تھا، کیا تھا

سمجھ میں نہ آ سکا زندگی کا ہنگامہ
خبر نہیں یہ تماشا تھا، خواب تھا، کیا تھا

نظر ہے آج ﺗﮏ اس جستجو میں کھوئی ہوئی
وہ حسن یار جو زیر نقاب تھا کیا تھا

نصیر پھر نہ میسر ہوا زمانے میں
وہ اک نفس جو بنام شباب تھا، کیا تھا
پیر سید نصیرالدین نصیر شاہ گیلانی
Peer Sayed Naseer ud Deen Naseer Shah Gailany