Agar tum dil hamara le ke pachhtaye to rehne do Na kaam aye to wapis do, jo kaam aye to rehne do

اگر تم دل ہمارا لے کے پچھتائے تو رہنے دو
نہ کام آئے تو واپس دو، جو کام آئے تو رہنے دو
Agar tum dil hamara le ke pachhtaye to rehne do
Na kaam aye to wapis do, jo kaam aye to rehne do

مرا رہنا تمہارے در پہ لوگوں کو کھٹکتا ہے
اگر کہہ دو تو اٹھ جاؤں، جو رحم آئے تو رہنے دو
Mera rehna tumhare dar pe logon ko khhatakta hai
Agar keh do to uth jaoun jo rehm aye to rehne do

کہیں ایسا نہ کرنا وصل کا وعدہ تو کرتے ہو
کہ تم کو پھر کوئی کچھ اور سمجھائے تو رہنے دو
Kahin aisa na karna wasl ka wada to karte ho
Ke tum ko phir koi kuch aur samjhaye to rehne do

دل اپنا بیچتا ہوں، واجبی دام اس کے دو بوسے
جو قیمت دو تو لو، قیمت نہ دی جائے تو رہنے دو
Dil apna bechta hoon wajibi daam is ke do bose
Jo qeemat do to lo, qeemat na di jaae to rehne do

دل مضطرؔ کی بیتابی سے دم الجھے تو واپس دو
اگر مرضی بھی ہو اور دل نہ گھبرائے تو رہنے دو
Dil e Muztir ki betabi se dam uljhe to wapis do
Agar marzi bhi ho aur dil na ghhabraye to rehne do