Agar Yeh Zid Hai Keh Mujh Se Dua Salam Na Ho Toh Aise Rah Se Guzro Jo Rah e Aam Na Ho

اگر یہ ضد ہے کہ مجھ سے دعا سلام نہ ہو
تو ایسی راہ سے گزرو جو راہ عام نہ ہو
Agar Yeh Zid Hai Keh Mujh Se Dua Salam Na Ho
Toh Aise Rah Se Guzro Jo Rah e Aam Na Ho
سنا تو ہے کہ محبت پہ لوگ مرتے ہیں
خدا کرے کہ محبت تمہارا نام نہ ہو

بہارِ عارض گلگوں تجھے خدا کی قسم
وہ صبح میرے لیے بھی کہ جس کی شام نہ ہو

مرے سکوت کو نفرت سے دیکھنے والے
یہی سکوت کہیں باعثِ کلام نہ ہو

الٰہی خیر کہ ان کا سلام آیا ہے
یہی سلام کہیں آخری سلام نہ ہو

مجھے تو راس نہ آئی حیاتِ نو لیکن
خطا معاف، تمہارا بھی یہ مقام نہ ہو

جمیلؔ ان سے تعارف تو ہو گیا لیکن
اب ان کے بعد کسی سے دعا سلام نہ ہو
جمیلؔ مرصع پوری
Jameel Marsapuri